ਦੂਰ ਦੇਸ ਨੂੰ ਤੁਰ ਗਏ ਬਾਬਲ!
ਕਹਿੰਦੇ ਨੇ ਬੱਸ ਬੰਦਾ ਖੁਰਦੈ
ਬਾਕੀ ਜੱਗ ਤਾਂ ੳਵੇਂ ਤੁਰਦੈ
ਸਾਡੇ ਲਈ ਤਾਂ ਜੱਗ ਹੀ ਖੁਰਿਆ
ਖੁਰ ਗਿਆ ਸਭ ਕੁਝ ਲੈ ਕੇ ਨਾਲ
ਦੂਰ ਦੇਸ ਨੂੰ ਤੁਰ ਗਏ ਬਾਬਲ!
ਕੀ ਕੁਝ ਤੁਰ ਗਿਆ ਤੇਰੇ ਨਾਲ…………..
ਨਾ ਸਾਡੇ ਖੇਡਣ ਦੀਆਂ ਪੈੜਾਂ
ਨਾ ਉਹ ਵਿਹੜਾ,ਨਾ ਉਹ ਗਲੀਆਂ
ਨਾ ਆਥਣ ਦੀ ਦੇਹਲ਼ੀ ਉੱਤੇ
ਰਾਤ ਦੀ ਰਾਣੀ ਕੇਰੇ ਕਲੀਆਂ
ਡਿੱਗੀਆਂ ਕੰਧਾਂ,ਢਹਿ ਗਏ ਕੋਠੇ
ਕੀ ਕੁਝ ਭੁਰ ਗਿਆ ਤੇਰੇ ਨਾਲ
ਦੂਰ ਦੇਸ ਨੂੰ ਤੁਰ ਗਏ ਬਾਬਲ !
ਕੀ ਕੁਝ ਤੁਰ ਗਿਆ ਤੇਰੇ ਨਾਲ…………..
ਨਾ ਉਹ ਥੜ੍ਹਾ,ਜਿਹਦੇ 'ਤੇ ਬਹਿ ਕੇ
ਮੈਂ ਗੁੱਡੀਆਂ ਦੀ ਜੰਜ ਸਦਾਈ
ਨਾ ਉਹ ਖੁਰਲੀ, ਜਿਸ 'ਤੇ ਚੜ੍ਹ ਕੇ
ਮੈਂ ਮਾਹੀ ਦੀ ਝਾਤੀ ਪਾਈ
ਐਸੀ ਕਾਂਗ ਹੁਕਮ ਦੀ ਆਈ
ਸਭ ਕੁਝ ਰੁੜ੍ਹ ਗਿਆ ਤੇਰੇ ਨਾਲ
ਦੂਰ ਦੇਸ ਨੂੰ ਤੁਰ ਗਏ ਬਾਬਲ!
ਕੀ ਕੁਝ ਤੁਰ ਗਿਆ ਤੇਰੇ ਨਾਲ…………..
ਜਿਸ ਬੈਠਕ ਵਿੱਚ ਗੂੰਜੇ ਹਾਸੇ
ਉਹ ਬੈਠਕ ਖਾਮੋਸ਼ ਬੜੀ ਹੈ
ਜਿਹੜੀ ਨਿੰਮ ਨੂੰ ਲੱਗੇ ਪਤਾਸੇ
ਰੁੰਡ-ਮੁੰਡ ਪਿੰਜਰ ਵਾਂਗ ਖੜ੍ਹੀ ਹੈ
ਹਰ ਰਿਸ਼ਤਾ ਜਿਉਂ ਸੁੱਕਿਆ ਪੱਤਾ
ਸੁੱਕ ਕੇ ਮੁੜ ਗਿਆ ਤੇਰੇ ਨਾਲ
ਦੂਰ ਦੇਸ ਨੂੰ ਤੁਰ ਗਏ ਬਾਬਲ!
ਕੀ ਕੁਝ ਤੁਰ ਗਿਆ ਤੇਰੇ ਨਾਲ…………..
ਹੁਣ ਤਾਂ ਲੋਭ ਨੇ ਚੁਕੀਆਂ ਸਿਰੀਆਂ
ਹੁਣ ਤਾਂ ਕੋਈ ਨਾ ਸਿਰ ਪਲੋਸੇ
ਨਾ ਬਹੁਲੀ ਦਾ ਛੰਨਾ ਮਿਲਦਾ
ਨਾ 'ਸੀਸਾਂ ਦੇ ਮਿਲਣ ਪਰੋਸੇ
ਤੂੰ 'ਕੱਲਾ ਨਹੀਂ ਤੁਰਿਆ ਬਾਬਲ
ਪਿੰਡ ਈ ਤੁਰ ਗਿਆ ਤੇਰੇ ਨਾਲ
ਦੂਰ ਦੇਸ ਨੂੰ ਤੁਰ ਗਏ ਬਾਬਲ!
ਕੀ ਕੁਝ ਤੁਰ ਗਿਆ ਤੇਰੇ ਨਾਲ।
ਬਾਕੀ ਜੱਗ ਤਾਂ ੳਵੇਂ ਤੁਰਦੈ
ਸਾਡੇ ਲਈ ਤਾਂ ਜੱਗ ਹੀ ਖੁਰਿਆ
ਖੁਰ ਗਿਆ ਸਭ ਕੁਝ ਲੈ ਕੇ ਨਾਲ
ਦੂਰ ਦੇਸ ਨੂੰ ਤੁਰ ਗਏ ਬਾਬਲ!
ਕੀ ਕੁਝ ਤੁਰ ਗਿਆ ਤੇਰੇ ਨਾਲ…………..
ਨਾ ਸਾਡੇ ਖੇਡਣ ਦੀਆਂ ਪੈੜਾਂ
ਨਾ ਉਹ ਵਿਹੜਾ,ਨਾ ਉਹ ਗਲੀਆਂ
ਨਾ ਆਥਣ ਦੀ ਦੇਹਲ਼ੀ ਉੱਤੇ
ਰਾਤ ਦੀ ਰਾਣੀ ਕੇਰੇ ਕਲੀਆਂ
ਡਿੱਗੀਆਂ ਕੰਧਾਂ,ਢਹਿ ਗਏ ਕੋਠੇ
ਕੀ ਕੁਝ ਭੁਰ ਗਿਆ ਤੇਰੇ ਨਾਲ
ਦੂਰ ਦੇਸ ਨੂੰ ਤੁਰ ਗਏ ਬਾਬਲ !
ਕੀ ਕੁਝ ਤੁਰ ਗਿਆ ਤੇਰੇ ਨਾਲ…………..
ਨਾ ਉਹ ਥੜ੍ਹਾ,ਜਿਹਦੇ 'ਤੇ ਬਹਿ ਕੇ
ਮੈਂ ਗੁੱਡੀਆਂ ਦੀ ਜੰਜ ਸਦਾਈ
ਨਾ ਉਹ ਖੁਰਲੀ, ਜਿਸ 'ਤੇ ਚੜ੍ਹ ਕੇ
ਮੈਂ ਮਾਹੀ ਦੀ ਝਾਤੀ ਪਾਈ
ਐਸੀ ਕਾਂਗ ਹੁਕਮ ਦੀ ਆਈ
ਸਭ ਕੁਝ ਰੁੜ੍ਹ ਗਿਆ ਤੇਰੇ ਨਾਲ
ਦੂਰ ਦੇਸ ਨੂੰ ਤੁਰ ਗਏ ਬਾਬਲ!
ਕੀ ਕੁਝ ਤੁਰ ਗਿਆ ਤੇਰੇ ਨਾਲ…………..
ਜਿਸ ਬੈਠਕ ਵਿੱਚ ਗੂੰਜੇ ਹਾਸੇ
ਉਹ ਬੈਠਕ ਖਾਮੋਸ਼ ਬੜੀ ਹੈ
ਜਿਹੜੀ ਨਿੰਮ ਨੂੰ ਲੱਗੇ ਪਤਾਸੇ
ਰੁੰਡ-ਮੁੰਡ ਪਿੰਜਰ ਵਾਂਗ ਖੜ੍ਹੀ ਹੈ
ਹਰ ਰਿਸ਼ਤਾ ਜਿਉਂ ਸੁੱਕਿਆ ਪੱਤਾ
ਸੁੱਕ ਕੇ ਮੁੜ ਗਿਆ ਤੇਰੇ ਨਾਲ
ਦੂਰ ਦੇਸ ਨੂੰ ਤੁਰ ਗਏ ਬਾਬਲ!
ਕੀ ਕੁਝ ਤੁਰ ਗਿਆ ਤੇਰੇ ਨਾਲ…………..
ਹੁਣ ਤਾਂ ਲੋਭ ਨੇ ਚੁਕੀਆਂ ਸਿਰੀਆਂ
ਹੁਣ ਤਾਂ ਕੋਈ ਨਾ ਸਿਰ ਪਲੋਸੇ
ਨਾ ਬਹੁਲੀ ਦਾ ਛੰਨਾ ਮਿਲਦਾ
ਨਾ 'ਸੀਸਾਂ ਦੇ ਮਿਲਣ ਪਰੋਸੇ
ਤੂੰ 'ਕੱਲਾ ਨਹੀਂ ਤੁਰਿਆ ਬਾਬਲ
ਪਿੰਡ ਈ ਤੁਰ ਗਿਆ ਤੇਰੇ ਨਾਲ
ਦੂਰ ਦੇਸ ਨੂੰ ਤੁਰ ਗਏ ਬਾਬਲ!
ਕੀ ਕੁਝ ਤੁਰ ਗਿਆ ਤੇਰੇ ਨਾਲ।
No comments:
Post a Comment